काठमाडौं — नेकपा (एमाले) को आगामी विधान महाधिवेशनमा पूर्वराष्ट्रपति विद्यादेवी भण्डारी प्रतिनिधिका रूपमा सहभागी हुन नपाउने भएको छ। एमाले विधानअनुसार राष्ट्रपति वा उपराष्ट्रपति पदमा निर्वाचित भएका व्यक्ति पार्टीको प्रतिनिधि बन्न अयोग्य मानिने व्यवस्था रहेकाले पूर्वराष्ट्रपति भण्डारी महाधिवेशन प्रतिनिधिमा सहभागी हुन सक्ने छैनन्।
पार्टी स्रोतका अनुसार, हालै सम्पन्न सचिवालय बैठकमा यो प्रावधानलाई यथावत् राख्ने निर्णय गरिएको हो। पूर्वराष्ट्रपति भण्डारीको नाम पार्टी महाधिवेशनका सन्दर्भमा चर्चामा आएपछि, यो विषय सार्वजनिक रुपमा चासोको विषय बनेको छ।
भण्डारीले सक्रिय राजनीतिमा पुनः फर्कने संकेत दिएकी बेला आएको यो निर्णयले एमालेभित्र बहसको घेरो तन्क्याएको छ। कतिपय नेताहरूले उनलाई ‘मार्गदर्शक’ भूमिकामा देख्न चाहेको भए पनि, विधानले भने स्पष्टरूपमा यस्तो सम्भावनालाई नकारेको छ।
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
