फ्लोरिडाकी नयाँ डेमोक्र्याटिक सेनेट उम्मेदवार एन्जी निक्सन र राज्य पार्टी अध्यक्ष निक्की फ्राइडबीच फोनमा चर्को भनाभन भएको छ ।
उनीहरूबीच समाजवादको प्रभाव र फ्लोरिडामा चुनाव प्रचारका चुनौतीहरूलाई लिएर भनाभन भएको कुरा एक्सियोसले रिपोर्टमार्फत सार्वजनिक गरेको छ ।
यो विवादले प्रगतिशील आधार र पार्टीको संस्थापन पक्षबीचको मतभेदलाई बाहिर ल्याएको छ । यसअघि चुनावमा एलेक्स भिन्डम्यानलाई हराएर निक्सनले प्राथमिक चुनाव जितेकी थिइन् ।
डेमोक््रयाटहरूले रिपब्लिकन सेनेटर एश्ली मूडीलाई हराउन कठिन चुनौती सामना गरिरहेका छन् । निक्सन र फ्राइडबीचको यो विवादले पार्टीलाई एकजुट बनाउने प्रयासलाई थप जटिल बनाएको छ ।
निक्सनले पार्टीबाट पर्याप्त सहयोग नपाएको गुनासो फ्राइडसँग गरेकी छिन् । फ्राइडले निक्सनको डिएसएसँगको सम्बन्धले रिपब्लिकनहरूलाई आक्रमण गर्ने मौका दिने चेतावनी दिएकी छिन् ।
स्रोतका अनुसार दुवै नेताहरू फोनमा करा एका थिए । तर पार्टीका एक अधिकारीले फ्राइडले नकराएको दाबी गरेका छन् ।
‘निक्की उहाँलाई डिएसए र समाजवादबाट टाढा भई काम गरेको हेर्न चाहनुहुन्छ,’ निक्सनसँग कुरा गरेका एक व्यक्तिले भने ।
कलबारे जानकारी भएका स्रोतका अनुसार, निक्सनले फ्राइडलाई भनिन्, ‘तपाईंले सुरुदेखि नै मेरो वास्ता गर्नुभएन, र अहिले आएर मलाई मेरो अभियान कसरी चलाउने भनेर सिकाउँदै हुनुहुन्छ ?’
फोनमा कुरा गर्दागर्दै निक्सनले भनिन्, ‘मलाई ग्यासलाइट गर्न बन्द गर्नुहोस् !’
पार्टीका अधिकारीले निक्सनको टोलीलाई पटक–पटक सम्पर्क गर्दा पनि फोन नउठाएको बताएका छन् ।
फ्लोरिडामा समाजवाद र यसको प्रभावबारे व्यापक चिन्ता छ । विशेष गरी क्युबा, भेनेजुएला, कोलम्बिया र निकारागुवाबाट आएका हिस्पानिक मतदाताहरू र यहूदी मतदाताहरू यस विषयमा संवेदनशील छन् ।
