आज बजारमा घोराही सिमेन्टको मूल्य ७.५७ प्रतिशत बढ्नुबाहेक अन्य कम्पनीमा उल्लेख्य वृद्धि देखिएको छैन । तर, ३५ कम्पनीको मूल्य ५ प्रतिशत भन्दा धेरैले घटको छ । सबैभन्दा धेरै गिरावट मिक्लाजुङ, चिलिमे, रसुवागढी हाइड्रोपावर लगायतमा देखिएको छ ।

रकमका आधारमा शिवम सिमेन्टको सबैभन्दा धेरै २६ करोड ८ लाख रुपैयाँ बराबरको सेयर कारोबार भएको छ। त्यसैगरी सर्वोत्तम पेन्टस् र चिलिमे हाइड्रोपावर पनि सर्वाधिक कारोबार हुने कम्पनीको सूचीमा परेका छन्।

आज सबैभन्दा ठुलो गिरावट निर्जीवन बीमा कम्पनी समूहमा परेको छ । यो समूहको सूचक ५.०३ प्रतिशतले घटेको छ । त्यस्तै, अन्य समूहमा ३.३० प्रतिशत, होटलमा २.९४ प्रतिशत एवं होटल तथा टुरिजम क्षेत्रमा २.४४ प्रतिशत मूल्य घटेको छ ।

प्राकृतिक विपत्तिले जलविद्युत आयोजनाहरूमा पुर्‍याएको क्षति र सडक सञ्जाल अवरुद्ध हुँदा आपूर्ति व्यवस्थामा परेको प्रभावले गर्दा बजारमा जलविद्युत लगायतका अन्य क्षेत्रका सेयरहरूमा पनि नकारात्मक प्रभाव देखिएको विश्लेषण गरिएको छ।