काठमाडौं । राष्ट्रिय स्वतन्त्र पार्टी(रास्वपा) संसदीय दलको बैठकमा सरकारको काम जनतामा पुर्याउन नसकिएको विषय उठेको छ । बुधबार बसेको संसदीय दलको बैठकमा मन्त्री र सांसदहरूले यो विषय उठाएका हुन् ।
रास्वपा सभापति रवि लामिछानेले पार्टीका सांसद र मन्त्रीहरूलाई एकै ठाउँमा राखेर संसदीय मर्यादा र शैलीबारे छलफल गरेका थिए ।
बैठकमा उठेका विषयहरूबारे जानकारी दिँदै रास्वपा संसदीय दलका उपनेता गणेश पराजुलीले सरकारको कामको समीक्षा र त्यसको प्रचारको विषय उठेकोबारे जानकारी दिएका हुन् ।
‘ल्याब्सेस कहाँ छ ? ग्लिचेज कहाँ छ ? सरकारले काम गरिराखेको छ भन्ने कुरा आम जनतामा किन पुर्याउन सकिएन ? भन्ने विषयमा पनि छलफल भयो’, उनले भने ।
ग्यासकै कुरा पनि वैशाखमा जम्माजम्मी २२ लाख सिलिन्डर मात्र बजारमा पुगेको र गत साउन महिनामा भने ४० लाख सिलिण्डर बजारमा पुगेको उनले बताए ।
यति हुँदा पनि ग्यास अभाव भयो भन्ने कुरा भइराखेको भन्दै उनले यो कसरी भयो भनेर प्रश्न उठेको हो ।
ग्यास अभावलाई हटाउनको लागि के गर्नुपर्छ भन्ने विषयमा चर्चा भइराखेको उनले जानकारी दिए ।
