कटुवालले दुई क्लस्टरको मतगणना मंगलबार बिहान सम्पन्न भएको जानकारी दिए । उनले चार क्लस्टरको गणना जारी रहेको बताए । बाँकी छ क्लस्टरको मतगणना पनि सुरु गर्ने तयारी भइरहेको कटुवालले बताए ।

निर्वाचन समितिका अनुसार जनसम्पर्क समितितर्फ दुई महिला र पाँच खुला गरी सात जना केन्द्रीय सदस्यको मतगणना सकिएको हो । पिछडिएको क्षेत्रतर्फको सहमहामन्त्री र केन्द्रीय सदस्य पदको गणना पनि सम्पन्न भएको छ ।

अहिले खुला सहमहामन्त्री, महिला सहमहामन्त्री तथा महिला केन्द्रीय सदस्य पदको मतगणना भइरहेको छ ।

त्यसैगरी, आदिवासी जनजातितर्फको सहमहामन्त्री र केन्द्रीय सदस्य, भूगोलतर्फ सुदूरपश्चिम प्रदेशका खुला, महिला र ३५ वर्षमुनिका केन्द्रीय सदस्य तथा ३५ वर्षमुनिका खुला केन्द्रीय सदस्य पदको मत पनि गणना भइरहेको छ ।

मतगणनालाई थप गति दिन बाँकी क्लस्टरहरूको गणना पनि सुरु गर्ने तयारी गरिएको निर्वाचन समितिले जनाएको छ ।