काठमाडौँ । केही महिना अगाडि प्रदर्शनमा आएको फिल्म ‘डिग्री माइला’ डिजिटल प्लेटफर्म ‘सिनेमाघर’ एपमा आएको छ । फिल्म पुनः सम्पादनसहित एपमा ल्याइएको छ। विश्वभरका दर्शकहरूलाई लक्षित गरी सिनेमाघर एपमा फिल्म ल्याइएको निर्माण युनिटले जनाएको छ ।

रामबाबु गुरुङ निर्देशित फिल्ममा दयाहाङ राई, आँचल शर्मा, बुद्धि तामाङ लगायतको अभिनय रहेको छ भने । ‘डिग्री माइला’को कथ्य शैलीलाई नयाँ स्वरूपमा प्रस्तुत गरिएको छ, जसले हलमा हेरिसकेका दर्शकहरूलाई समेत फरक अनुभव दिने अपेक्षा गरिएको छ ।

निर्देशक रामबाबु गुरुङले हल रिलिज हुँदा दर्शकहरूबाट प्राप्त चलचित्र केही सुस्त गतिमा रहेको भन्ने प्रतिक्रियालाई आधार मानी पुनः सम्पादन एपमा ल्याइएको बताए । ‘हामीले हल रिलिजको समयमा गरिएको गल्तीलाई सुधार गर्नको लागि पुनः सम्पादन गरेका होइनौँ’, उनले भनेका हुन।

‘सिनेमाघर एप’ एन्ड्रोइड र आइओएस मोबाइलहरूमा मात्र नभई, स्मार्ट टिभी प्लेटफर्महरूमा पनि विस्तार गरिएको छ । अब दर्शकहरूले ‘डिग्री माइला’ लाई एन्ड्रोइड टिभी, अमेजन फायर टिभी, एलजी वेबओएस र सामसुङ स्मार्ट टिभीहरूमा सजिलै स्ट्रिम गरेर हेर्न सक्नेछन्।