काठमाडौं । छठ पर्वको अवसरमा सार्वजनिक बिदा भए पनि राहदानी विभागले सोमबार (कात्तिक ३० गते) नियमित सेवा सञ्चालन गर्ने भएको छ ।
सेवाग्राहीको सुविधालाई मध्यनजर गर्दै पर्वका दिन पनि राहदानीसम्बन्धी सेवा उपलब्ध गराउने निर्णय गरिएको विभागका महानिर्देशक दीपक विश्वकर्माले जानकारी दिएका छन् ।
उनका अनुसार सोमबार बिहान ९ बजेदेखि दिउँसो ४ बजेसम्म नियमित कार्यदिनसरह सेवाग्राहीलाई सेवा प्रदान गरिनेछ ।
सार्वजनिक बिदाका कारण राहदानी सेवा लिन सेवाग्राहीलाई असुविधा नहोस् भन्ने उद्देश्यले छठ पर्वका दिन पनि विभाग खुला राख्ने निर्णय गरिएको उनले बताए ।
यद्यपि, छठ पर्व मनाउने विभागका कर्मचारीहरूलाई भने उक्त दिन बिदा दिइएको छ ।
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
