अमेरिकामा यस वर्ष हुने मध्यावधि निर्वाचनमा कुल ११ अर्ब ९३ करोड अमेरिकी डलर खर्च हुने अनुमान गरिएको छ । राजनीतिक खर्चको निगरानी गर्ने संस्था ओपनसेक्रेट्सका अनुसार यो अमेरिकी इतिहासकै सबैभन्दा महँगो मध्यावधि निर्वाचन हुनेछ ।
अनुमानअनुसार डेमोक्र्याटिक पार्टीले ५ अर्ब ५२ करोड डलर, रिपब्लिकन पार्टीले ५ अर्ब १२ करोड डलर तथा स्वतन्त्र उम्मेदवार र समूहहरूले १ अर्ब ३० करोड डलर खर्च गर्नेछन् ।
सन् २०२२ को मध्यावधि निर्वाचनमा कुल ८ अर्ब ९४ करोड डलर खर्च भएको थियो । त्यसको तुलनामा यस वर्षको निर्वाचनमा खर्च करिब एकतिहाइले बढ्ने अनुमान छ ।
सन् २०२६ को मध्यावधि निर्वाचनभन्दा बढी चुनावी प्रचारप्रसारमा खर्च भएका निर्वाचन अमेरिकी इतिहासमा दुईवटा मात्रै छन् । ती सन् २०२० र २०२४ का राष्ट्रपतीय निर्वाचन हुन् । दुवै निर्वाचनमा करिब १५ अर्ब अमेरिकी डलर खर्च भएको थियो ।
यो खबर पढेर तपाईलाई कस्तो महसुस भयो ?
You need to select CUSTOM location to use this SHORTCODE
प्रतिक्रिया
सम्बन्धित खवर
