काठमाडौं । नेपालमा कोरोनाको संक्रमितको संख्या थपिने क्रम जारी छ । यस्तै पछिल्लो २४ घण्टामा २१२० थप जनामा कोरोना भाइसको संक्रमण पुष्टि भएको छ । देशभरका प्रयोगशालामा १२ हजार ९७८ नमुना परीक्षण गर्दा ७६६ महिला र १३५४ पुरुषमा संक्रमण पुष्टि भएको हो । यससँगै कुल संक्रमितको संख्या ८४ हजार ५७० पुगेको छ । उनीहरुमध्ये ५२८ जनाको मृत्यु भएको छ भने ६२ हजार ७४० जना संक्रमणमुक्त भएका छन् । २०४४ जना पछिल्लो २४ घण्टामा मात्र कोरोना संक्रमणमुक्त भएका हुन्
अहिलेसमम देशभर २१ हजार ३०२ संक्रिय संक्रमित पुगेका छन् । होमक्वारेन्टाइनमा ११ हजार ५२९ जना र आइसोलेसनमा ९ हजार ७७३ जना छन् भने उनीहरुमध्ये आईसीयूमा २१७ र भेन्टिलेटरमा ३१ जनाको उपचार भइरहेको छ । शनिबार थपिएका संक्रमितमध्ये ११७७ जना उपत्यकाका छन् । काठमाडौंका १००१ जना, भक्तपुरका ६७ र ललितपुरका १०९ जनामा संक्रमण पुष्टि भएको हो ।