नेकपा (माओवादी केन्द्र) सम्बद्ध अनेरास्ववियु क्रान्तिकारीले नेकपा (एमाले)ले पार्टी कार्यालय बनाउन व्यवसायी मीनबहादुर गुरूङसँग जग्गा दान लिएको भन्दै प्रतीकात्मक विरोध प्रदर्शन गरेको छ।
आइतबार अखिल क्रान्तिकारीको प्राविधिक जिल्ला समिति र क्याम्पस जिल्ला समितिको संयुक्त आयोजनामा एमाले पार्टी कार्यालय बनाउन एक रूपैयाँ सहयोग संकलन सुरू गरेको हो।
प्रदर्शनीमार्गस्थित नेपाल ल क्याम्पसअगाडि भेला भएका विद्यार्थी नेता कार्यकर्ताहरूले नाराबाजी गर्दै सहयोग संकलन सुरू गरेका छन्।
एमालेले काठमाडौंको कीर्तिपुरमा व्यवसायी गुरूङले दिएको जग्गामा पार्टी कार्यालय भवनको शिलान्यास गरेको थियो।
अखिल क्रान्तिकारीका बिद्यार्थी नेता रोशन कालिकोटे भन्छन् ; “विचाराधीन मुद्धामा भएको ब्यक्तिबाट लिईएको जग्गा भन्दा आम सर्बसाधारण संग माग गर्नु उपयुक्त भएका कारण हामीले यस्तो आन्दोलन गरेका हौँ।”
सत्तारूढ दलले व्यवसायीसँग चन्दा लिएर पार्टी कार्यालय बनाउन लागेको भन्दै आलोचना भइरहेका बेला अखिल क्रान्तिकारीले उक्त विरोध प्रदर्शन गरेको हो।
तस्बिरहरूः
प्रतिक्रिया
सम्बन्धित खवर
